اليوم غادي نهضروا على "المادة المظلمة" او "Dark matter" وغادي نحاولوا نفهموا كيفاش كتشفناها و شنوا هي .. وغادي نتطرقوا لعدد من الفرضيات لي هتمات بهاد المادة.
وباش نفهموها خصنا نعرفوا شنوا هو تقسيم المواد لي كاين في الكون؟
اولاً : %4 هي عبارة عن مواد ممكن نشوفوها بالعين مثل (الكواكب .. النجوم .. الشهوب .. البشر .. الغبار .. كلاكسي ...الخ)
ثانياً : %26 هي عبارة عن "مادة مظلمة" "Dark matter"
ثالثاً : %70 هي عبارة عن "طاقة سوداء" "Dark energy"
"المادة المظلمة" هي عبارة عن "مادة" لكنها مظلمة او غير مرئية .. وباش نكون اكثر وضوح .. البشر لم يتمكن من فهم ماهي هذه المادة .. بل لدرجة اننا مكنشوفوهاش ولكن عارفينها كاينة .. والسبب لي خلانا نعرفوها كاينة هو انه عند مراقبة "الكالاكسي" لي كاينين فالكون (هدشي لمدة حوالي 80 سنة من البحث) لقينا مفاجأة كبيرة جداً.
المجرات هي عبارة عن عدد من النجوم و الكواكب التي تسبح على شكل دائري حلزوني .. وكان العلماء كيعتاقدوا بأن النجوم التي تسبح من الجانب الداخلي للمجرة هي تسبح بسرعة اكبر من النجوم التي تسبح من الجانب الجارجي للمجرة .. ولاكن تم إكتشاف ان النجوم من الجانب الداخلي و الخارجي تسبح بنفس السرعة .. وهدشي كون زلزال في علوم الفضاء و الفيزياء الفضائية .. ولاكن العلماء مع انهم تصدموا .. منزلوش يديهم وبداو كيبحثوا .. وهنا غادي يقتارحوا مراقبة المجرات الصغيرة التي تحيط بالمجرات العملاقة وهنا كانت صدمة أخرى وهي أنه المجرات الصغيرة تدور بشكل أسرع و هنا غادي يتطرح السؤال ديال .. علاش؟
نعطيكم مثال : دابا الأرض كدور على الشمس بسرعة اكبر من المريخ او بلوتوا بسبب ان الحلقة ديال الأرض اديق من الحلقة ديال المريخ او بلوتوا وهدشي كيخلي الأرض كدور بشكل اسرع حول الشمس مقارنة بالمريخ .. ولاكن هذه النظرية مكتنطابقش على المجرات بسبب المادة المظلمة.
اما سبب استخدام كلمة "مظلمة" هو ان هذه المادة مظلمة فعلاً .. فهي لاتعكس الضوء ولا تنتج دبدبات صوتية ولا تحت البنفسجية ولا والوا .. وهدشي كيخلي العلماء حايرين شنوا يديروا؟ وكيفاش يدرسوا هاد المادة .
هدشي لاش جميع الدراسات لي كاينة هي عبارة عن دراسات تهتم بالظواهر التي تترتب او تظهر على المجرات .. طبعاً مزال خص سنوات من البحث إلى مقلتش عشرات السنوات .. من ناحية أخرى هناك عدد من الفرضيات التي تهتم بهذا المشكل ديال "المادة المظلمة" ولاكنها ليست منطقية لأنها تفتقر او تتصادم مع نظريات أخرى وهذه الفرضيات أطلق عليها إسم :
(MOND (Modified Newtonian dynamics
(ممكن تبحثوا عليهم في ويكيبيديا)
ممكن نعتابروا ان علوم الفلك تواجه اكبر تحدياتها في هذه السنوات التي نعيش الاَن .. وهدشي بسبب التقدم الخارق الذي وصلات ليه علوم الفلك .. وطبعاً هذه الحقبة ستكتب فالتاريخ ديال البشرية بحروف من ذهب .. لأننا نواجه موجة من الإكتشافات و النظريات تساوي أضعاف باَلاف المرات من دكشي لي كتاشفناه في تاريخ البشر في مجال علوم الفلك.
ليست هناك تعليقات:
إرسال تعليق