اليوم غادي نكملوا في عالم الغموض و نشوفواا شنوا هي هذه "الثقوب السوداء" "Black Hole" وغادي نغتانم الفرصة ونهضروا حتى على "نجم نيوتروني" "Neutron Star" وكذلك "المستعر الأعظم" او "Supernova".
وباش نفهموا شنا هوما "الثقوب السوداء"خصنا نعرفوه منين كيجي؟
اصل الثقب الأسود هو النجوم .. ولكن مشي كل النجوم بل خصنا مقاييس معينة باش يتخلق "ثقب اسود" .. فبعدما يحدث هذا "الإنفجار المستعر الأعضم" او "Supernova" النجم ممكن يتحول إما لـ "قزم ابيض White Dwarf" أو "نجم نيوتروني Neutron Star" أو "ثقب أسود Black Hole".
ولي كيخلي "الثقب الأسود" يتكون هو فاش كيتسالا "الهيدروجين Idrogeno" لي في النجم وكيولي كامل "هيليوم Elio" .. هنا كتبدأ الحرارة ديال النجم كتزاد وشوية بشوية كيسخن وكيبدأ النجم تفاعلات إندماج كتنتج عليها بالتسلسل المواد التالية : "الليثيوم Litio" ثم "الكربون Carbon" و "النيتروجين Nitrogen" و "الأكسجين Oxygen" وصولاً إلى "الحديد Iron" وهنا النجم مكيقدش يصنع إندماج اثقل لأن الطاقة التي يولدها "الإندماج النووي Nuclear fusion" ديال النجم مكافياش و هنا يحدث "الإنفجار المستعر الأعضم" او "Supernova".
وكيتحول النجم لـ "ثقب أسود Black Hole" فاش كيكون النجم ضخم و الكتلة ديالوا عملاقة و الكثافة ديالوا اكبر لدرجة أن "النيوترون Neutrone" مكيقدش يتحمل داك البضغط كامل وهنا كينهار النجم و كيولي "ثقب أسود Black Hole" هائل الكثافة.
اما التكوين ديال "التقب الأسود Black Hole" .. هو عبارة عن تداخل الجسيمات و إنعدام الفراغ البيني بعني "الخواء" مكيبقاش .. تخيلوا شي ضغط هائل وقوي بزاف .. تخيلوا معايا نشدوا "بيضة" دجاجة ونضغطوا عليها لدرجة تولي بحجم حبة "الأرز" ولاكن يبقى بنفس الوزن الأصلي ديال البيضة .. هدشي لي كيوقع للثقب الأسود و كتولي طاقة هائلة متكتلة في نقطة صغيرة.
دابا هاد "الثقب الأسود" عندوا جادبية خارقة و خطيرة جداً تخيلوا أنه يستطيع جدب و إبتلاع "الضوء" وكيقول "ألْبِرْت أينْشتاين Albert Einstein" من خلال النظرية النسبية العامة : "إن جادبية الثقب الأسود توّس الفضاء حوله مما يجعل شعاع ضوء يسير فيه بشكل منحني بدلا من سيره في خط مستقيم" .. و في النسبية يعرف "الثقب الأسود" بصورة أدق على أنه منطقة من الزمكان تمنع فيها جاذبيته كل شيء من الإفلات بما في ذلك الضوء .. هدشي لاش كيبقى "الثقب الأسود" ظاهرة مزال مستاطعناش نفككو كل الغازها ودابا نخليلكم بعض الروابط من اجل التعمق اكثر.
روابط :
هادا مقال على المعطيات ديا مهمة "missions Swift و Nuclear Spectroscopic Telescope Array"https://www.nasa.gov/feature/jpl/nustar/black-hole-has-major-flare
ليست هناك تعليقات:
إرسال تعليق